معروف ڈرامہ کوئین سویرا ندیم کے مطابق ماں کا کردار ادا کرنے میں کوئی بُری بات نہیں، ظاہر سی بات ہے کہ مجھے کالج کی لڑکی کا کریکٹر تو نہیں کرنا لیکن ایسا بھی محسوس نہ ہوکہ یہ صرف ایک ماں کی کہانی ہے بلکہ ہونا یہ چاہئے کہ یہ ایک خاتون اور ایک انسان کی کہانی ہے جو اتفاق سے ایک ماں بھی ہے۔ یاد رہے سویرا ندیم اِن دنوں ہم ٹی وی کے ڈرامہ سیریل ’’وہم‘‘ میں رخسانہ کا کردار ادا کر رہی ہیں، سویرا نے 1990 کی دہائی میں پی ٹی وی سے اداکاری کا آغاز کیا، انگریزی ادب پڑھا اور اس کے بعد اداکاری کی تربیت بھی حاصل کی، وہ پی ٹی وی سمیت پرائیویٹ پروڈکشنز کے درجنوں ڈراموں میں کام کر چکی ہیں۔
