اکستانی کرکٹ ٹیم کے کپتان بابراعظم ہمارا کام گرائونڈ میں پرفارم کرنا ہے، فوکس صرف کارکردگی پر مرکوز ہے۔
کراچی ٹیسٹ سے قبل میڈیا سے گفتگو کرتے ہوئے ان کا کہنا تھا کہ انگلینڈ کے خلاف اچھا نہ کھیل سکے، کوشش ہوگی کم بیک کریں، کیویز کیخلاف پہلے ٹیسٹ کیلئے فائنل الیون ابھی نہیں بنائی، چیف سلیکٹر آ رہے ہیں، اس کے بعد فیصلہ کریں گے۔ گزشتہ روز جو 3 کھلاڑی سلیکٹ ہوٸے اس میں میری مشاورت شامل ہے، بیٹنگ ہماری قوت ہے تاہم بالرز فٹ ہونا بھی خوش آئند ہے، ٹیم کیلئے جو بہتر ہوگا وہی ٹیم سلیکٹ کریں گے۔
بابراعظم نے ٹوئٹر پر ٹرینڈ کا دفاع کرتے ہوئے کہا کہ جس طرح صحافی ٹرینڈ چلاتے ہیں اسی طرح کھلاڑی بھی ایک دوسرے کو سپورٹ کرتے ہیں، جب آپ ہارتے ہیں تو آپ کی خامیوں پر بات ہوتی ہے۔قومی ٹیم کے کپتان نے مزید کہا کہ باہر بیٹھ کر چیزیں آسان لگتی ہیں لیکن گراؤنڈ میں سب مختلف ہوتا ہے، کپتانی جانے کا کوٸی پریشر نہیں ،اللہ یہاں تک لایا ہے آگے بھی وہی لے کر جاٸے گا۔
